COViD schooling

 اسلام علیکم 🙂

درس و تدریس سے منسلک ہوئے مجھے ساتواں سال ہے ۔ میں ذیادہ تر سٹوڈنٹ سینٹرڈ لیسن پلین کرتی ہوں ۔ ان سات سالوں میںمیں نے یہ سیکھا ہے کہ کلاس روم کا ماحول جس قدر دوستانہ اور بچوں کی ضروریات کے مطابق ہو گا نتائج اتنے ہی زبردست ہوںگے ۔ بچوں کے لئے ہر چیز نئی ہوتی ہے جس کو وہ خود سے ایکسپلور کرنا چاہتے ہیں ۔ بچے قدرتی طور پر انرجیٹک ہوتے ہیں بطوراستاد ہمیں اس انرجی کو درست سمت میں لگانا ہوتا ہے ۔ سکول میں بچوں کے مطابق بہترین ٹائم بریک کا ہوتا ہے 

پہلا منظر:

ایسی کلاس جس میں شاگرد کو مرکزی حیثیت حاصل ہو ۔جس میں صبح کی اسمبلی ، بریک اور پورا دن پانی پینے یا ٹوائلٹ جانا بچوںکے لئے بورنگ کلاس روم سے نکلنے کا بہترین حربہ ہو۔دوستوں کے ساتھ خوشگپیاں اور شرارتیں اس سے بچے تازہ دم ہو جائیں  ۔خاص کر تفریح کے بعد ان کے چہرے کی رونق بڑھ جاتی ہو۔ اس سب کے ساتھ کمرہ جماعت میں  class warmer، ice breakers اور دوسری سرگرمیاں کروائی جاتی ہوں تاکہ بچے تازہ دم رہیں اور کلاس میں ان کی دلچسپی برقرار رہے ۔ اس کے باوجود بعضاوقات بچے کلاس کے ماحول سے اکتا جاتے ہیں اور آخری گھنٹے میں یہی سننے کو ملتا ہے “ ٹیچر چھٹی کب ہو گی”، “ ٹیچر کتنا ٹائم رہتاہے” الغرض اسمبلی، بریک اور باقی سرگرمیوں کے باوجود کلاس روم ان کو تھکا دیتا ہے ۔ 

دوسرا منظر : 

ذرا تصور کریں ایسی کلاس جس میں ۶ گھنٹے مسلسل ماسک پہننا لازم ہو جس میں بجلی ناپید ہو ، نہ اسمبلی ہو گی ،نہ بریک نہ دوستوںکے ساتھ پانی پینے کے بہانے سکول کا چکر لگے گا ۔10X10 کے کمرے میں سماجی فاصلہ برقرار رکھتے ہوئے شازونازر ہی کوئیسرگرمی کروائی جا سکے گی ذیادہ تر تدریسی عمل میں ٹیچرز کو مرکزیت حاصل ہو گی 🙁 مانا کہ یہ حالات کا تقاضہ ہے پر یہ مت بھولیں کہبچے اس قدر سختی کو برداشت نہیں کر سکیں گے ۔۶ گھنٹے ماسک پہنا ہی ایک مشکل کام ہے اس پر مسلسل پڑھائی جناب ان بچوںپر تو رحم کریں کم از کم ان کے سکول کے اوقات ہی بدل دیجیے ۔ بچوں کی زندگی اور صحت اولین ترجیح ہے ۔لگتا ہے عادلمنصوری صاحب کا یہ شعر  انہی حالات کے لئے کہا گیا ہے 

چپ چاپ بیٹھے رہتے ہیں کچھ بولتے نہیں  

بچے بگڑ گئے ہیں بہت دیکھ بھال سے 

#حراظفر