پرائیویٹ ٹیچر بمقابلہ گورنمنٹ ٹیچر

 #پرائیویٹ_سکول_ٹیچر_بمقابلہ_گورنمنٹ_ٹیچر

ہم کب سے ایک دوسرے کے دشمن بن گئے؟؟  

سوشل میڈیا پر ایک دوسرے سے دست و گریبان کیوں ہو گئے؟ 

کیا ہم ایک ہی مقدس پیشے سے منسلک نہیں ؟ 

کیا ہمارے مسائل ایک جیسے نہیں ؟ 

کیا ہمیں اپنے مسائل کے حل کے لئے مل کر کوشش نہیں کرنی چاہیے ؟ کیا ہمارے آپس کی چپقلش سے وہی لوگ فائدہ نہیں اٹھارہے جو ہمارے حقوق غصب کرکے بیٹھے ہیں؟؟ 

سرکاری استاتذہ ہوں یا نجی اس وقت کم ترین اجرت پر کام کر رہے ہیں ۔اور میں مانتی ہوں کہ پرائیویٹ استاتذہ خاص طور پر جوگلی محلے کے سکولوں میں پڑھاتے ہیں ان کے ساتھ بہت ذیادتی ہے کہ نہ ہی ان کی جاب سکیورٹی ہے (جب پرنسپل کو دل کرئےٹیچر کو نکال دے) اور 5 ،6 ہزار تنخواہ وہ بھی چھٹی کرنے پر کاٹ لی جاتی ہے ۔ اور کسی قسم کی تعطیلات کے دوران تنخواہ نہیں دیجاتی جبکہ فیسیں لی جاتی ہیں ۔ 

کورنا کے بعد ذیادہ تر نجی اداروں نے والدین سے یکمشت ۶ ماہ کی فیس وصول کی لیکن استاتذہ کو ۶ ماہ کی تنخواہیں ادا نہیں کی گی تمامتر فائدہ ادارے کے مالک کو ہوا اور نجی استاتذہ اس پر احتجاج کرنے کے بجائے سرکاری استاتذہ سے لڑ لڑ کر ہلکان ہوتے رہے کہہمیں نہیں مل رہی تو تم لوگوں کو کیوں مل رہی ہے -

اور ہم سرکاری استاتذہ کا خود کنوینس الاؤنس کاٹا گیا (  جبکہ عدالتی حکم کے تحت تمام سرکاری ملازمین تعطیلات کے دوران کنوینسالاؤنس کے حقدار ہیں ) اور ہم اس پر احتجاج کرنے کے بجائے حکومتی فیصلوں کی صفائیاں دیتے رہے کہ نہیں جی چھٹیاں دے کہاچھا کام کیا ہے ۔سرکار نے ہمیں ۲ ہفتے خالی سکولوں میں آنے کا کہا تو کیا ہم نے یہ حکم در کر دیا تھا ؟ نہیں ناں 😕 تو ارےبھئی صفائیاں دینے کی کیا ضرورت ہے سرکار ہمارے کہنے پر فیصلے تو دیتی نہیں ،ہم تو خود سرکاری فیصلوں کے ماتحت ہیں۔پرائیویٹ سکول ٹیچرز بھی ہماری طرح مظلوم ہیں ہم ایک ہی پیشے سے وابستہ ہیں ہمیں مل کر کوشش کرنی چاہیے یونینز کو چھوڑیں کراپنے حقوق کی جنگ خود لڑیں ۔ 

*ایک ہو جائیں تو بن سکتے ہیں خورشید مبیں

ورنہ ان بکھرے ہوئے تاروں سے کیا کام بنے

پرائیویٹ سکول ٹیچرز ہمارے بہن بھائی ہیں ہمارے دکھ درد سانجھے ہیں ہمیں مل کر اپنے مطالبات پیش کرنے چاہئیں ۔

۱-تمام استاتذہ خواہ وہ پرائیویٹ ہوں یا سرکاری کو علاج کی مکمل مفت سہولت میسر ہو۔

۲-کیونکہ استاتذہ کو یوٹیلٹی بلز کی مد میں کچھ نہیں دیا جاتا اس لئے تمام یوٹیلٹی سٹورز پر تمام استاتذہ کو ڈسکاؤنٹ دیا جائے۔

۳-نجی استاتذہ کو جاب سکیورٹی دی جائے۔اور سرکاری استاتذہ کو پےپروٹیکشن ۔

۴-نجی ادارے استاتذہ کے لئے بہبود فنڈز قائم کریں تاک کسی بھی ہنگامی صورتحال میں اگر سکولز بند کئے جائیں تو نجی استاتذہ کیتنخواہوں کی ادائیگی متاثر نہ ہو ۔یا استاتذہ کی احساس پروگرام سے مدد کی جائے ۔

 ۵-پرائیویٹ سکول ٹیچرز کی کم از کم تنخواہ کی حد مقرر کی جائے ۔اور تعطیلات میں ادارہ استاتذہ کو تنخواہ دینے کا پابند ہوں ۔ 

۶۔تعطیلات میں سرکاری استاتذہ کو کنوینس الاؤنس نہ کاٹا جائے ۔

استاتذہ کو صرف honourable کا خطاب دینے سے کچھ حاصل نہیں ہوگا اگر حقیقی معنوں میں استاتذہ کا وقار بلند کرنا ہے تو ان کومعاشی طور پر مستحکم کریں ۔

از قلم #حراظفر